Jújú, konan er á lífi... svona að nafninu til allavegna. Hugurinn er oftast nær heima og get ég varla beðið eftir að skólinn klárist. Þetta er að verða full erfitt...
Vill einhver skipta við mig? Haha...

Nei sem betur fer styttist dvölin með hverjum deginum. En samt er ég með móral því mér finnst eins og ég sé ekki að njóta dvalarinnar til fulls sem er dálítið skítt... það er bara dálítið erfitt þegar maður er einn úti í rassg**i, fjarri öllum sem skipta mann máli. Jújú, life is a bitch ekki satt? Eeen enough is enough... hætt að væla í bili.

Annars er það helst að frétta að ég er búin að velja mér lokaverkefni. Það tók á... langaði til að gera allt og er búin að skipta um skoðun oftar en einu sinni og oftar en tvisvar... spyrjið bara mömmu! Haha..
En við áttum semsagt að velja okkur einskonar sérhæfingu fyrir lokaverkefnið, t.d. tískuljósmyndun, arkítektúrljósmyndun, blaðaljósmyndun... u name it, og skila 30+ myndum í lok annarinnar. Ég ákvað að velja portrett ljósmyndun því það er svo rosalega víðtækt viðfangsefni. Með þessu móti ætti ég að fá flotta þjálfun í stúdíóportrettum, umhverfisportrettum, portrettum á "location"(hvað er íslenska orðið?) og svo er ég jafnvel að spá í að taka einhver sjálfsportrett þannig að það verður nóg að gera. Það er kannski bara eins gott, það ætti aðeins að dreifa huganum frá heimþránni. Ég er allavegna orðin svakalega spennt fyrir verkefninu, er með milljón hugmyndir í kollinum og hlakka mikið til að takast á við það. Það er góðs viti, er það ekki?:)

Það eru komnar nokkrar nýjar myndir inn á Flickr-inn minn... skrapp niður á strönd fyrr í vikunni og smellti af nokkrum römmum. Það var ansi ljúft, ég fékk svona útlandafíling... nokkuð spes.

Later guys...

Um daginn var ég búin að koma mér vel fyrir í sófanum fyrir framan imbann. Það vildi svo skemmtilega til að þar sem ég sat, hafði ég líka þetta fína útsýni yfir í fjölbýlið á móti okkur. Mér var eitthvað litið út um gluggann í einu auglýsingahléinu og haldiði ekki bara að við mér hafi blasað þessi líka "kappalegi" kínverji sem var að æfa sig í kung fú fyrir framan eldhúsgluggann. Hann hefur sennilega verið að horfa á spegilmyndina í glugganum enda flottur gaur.... já eða þannig sko. 

Í dag blasti samt við mér önnur, frekar truflandi sjón, á leiðinni heim úr skólanum.

Ég myndi nú draga fyrir gluggana ef ég væri að fara að stökkva í bólið með makanum... eeen það er nú bara ég.

- Arna sem er farin að sauma gardínur handa grönnunum

Ég er viss um að þið eruð öll búin að bíða þessa andartaks með eftirvæntingu. Ég hafði hugsað mér að bíða með að segja ykkur fréttirnar en ég get bara ekki beðið lengur.......... Þá er komið að því. Eruð þið tilbúin? Ég heiti Arna og er algert júróvisjonnörd. Ég bíð laugardagsins með eftirvæntingu því þá mun aðalkosningin á framlagi okkar í ár fara fram.

Ég kíki reglulega inn á þessa síðu til að rifja upp lög frambjóðandanna en mig rak hreinlega í rogastans þegar ég skellti mér inn á hana síðast. Hvað kom eiginlega fyrir keppendurna? Er þetta eitthvað djók? Kíkið og þið munið fatta.

- Arna sem fölnar í samanburði við suma...  

Við Van vorum eitthvað spenntar fyrir að fara út og hreyfa okkur og ákváðum því að skella okkur á dansnámskeið. Rákumst á auglýsingu í einu dagblaðinu sem hljómaði voðalega girnilega: "Lærið að dansa eins og í sjónvarpsþáttunum 'Strictly come dancing.'" sem var voðalega vinsæll hér á heimilinu fyrir jól. Allavegna ákváðum við að láta slag standa og drifum okkur á staðinn. Humm... það sem við blasti var félagsmiðstöð eldri borgara, meðalaldurinn sennilega í kring um 50 ár. Án þess að ræða það eitthvað frekar, snerum við við á staðnum og skelltum okkur á pöbbinn í staðinn.
Við hefðum kannski átt að lesa auglýsinguna til enda en þar stóð smáu letri "Þrefaldir sigurvegarar í flokki eldri borgara....."

Jáh svona getur maður verið klár!

Er eitthvað voðalega andlaus núna. Hreiðraði um mig í myrkrakompunni í gær og í dag, framkallaði 5 rúllur af filmum og gerði tilraun til að stækka nokkrar í dag. Stækkarinn var með móral... sennilega ennþá þunnur eftir helgina svo að ég gafst upp og gerði þær bara stafrænar. Fór reyndar ótroðnar slóðir við að skanna þær þar sem enginn kennari var nálægt til að sýna mér hvernig ætti að nota filmuskannann og þar af leiðandi er dálítið spes áferð á myndunum. Þetta verður samt að duga í bili. 



Valdi nokkrar til að setja á Flickr-inn en á eftir að skanna inn fleiri. Náði aðeins að klára 2 filmur af 5 svo að það er af nógu að taka.

Later!

Ég var á fyrirlestri í dag og missti hökuna niðrí gólf, ekki einu sinni heldur tvisvar. Ég er bara ekki vön því að heyra kennara nota MILF orðið.

...svona lagað vill stundum gerast þegar manni leiðist.



Later!